"Yuventus" himoyachisi Danilo "Inter" bilan o‘yindan so‘ng o‘z fikrlarini bildirib o‘tdi. Eslatib o‘tamiz, A seriyaning 9-turida jamoalar 1:1 hisobida durang o‘ynashdi. Daniloning fikricha, "Yuve" hujumchi Krishtianu Ronaldu ketganidan keyin ancha yaxshi o‘ynay boshladi.
"Biz bir necha o‘yin oldin himoyaning juda yaxshi o‘ynayotganini ko‘rsatdik. Biz yaxshi ish qildik. Ronaldu ketganidan keyin "Yuventus" yaxshilandi, lekin buyuk jamoalar hech qachon bu bilan to‘xtab qolmaydi. Biz qilayotgan ishimizdan mamnunmiz, lekin bizda o‘sish uchun vaqt bor va biz faqat g‘alabalar uchun intilamiz", - deya Daniloning so‘zlarini keltiradi DAZN nashri.