"Ювентус" ҳимоячиси Данило "Интер" билан ўйиндан сўнг ўз фикрларини билдириб ўтди. Эслатиб ўтамиз, А сериянинг 9-турида жамоалар 1:1 ҳисобида дуранг ўйнашди. Данилонинг фикрича, "Юве" ҳужумчи Криштиану Роналду кетганидан кейин анча яхши ўйнай бошлади.
"Биз бир неча ўйин олдин ҳимоянинг жуда яхши ўйнаётганини кўрсатдик. Биз яхши иш қилдик. Роналду кетганидан кейин "Ювентус" яхшиланди, лекин буюк жамоалар ҳеч қачон бу билан тўхтаб қолмайди. Биз қилаётган ишимиздан мамнунмиз, лекин бизда ўсиш учун вақт бор ва биз фақат ғалабалар учун интиламиз", - дея Данилонинг сўзларини келтиради DAZN нашри.