"Marsel" klubi himoyachisi Uillyam Saliba "PSJ"ga qarshi kechgan bahs haqida gapirdi. U bu haqda shunday deydi:

"Bu juda ham yaxshi o‘yin bo‘ldi. Raqib o‘z golini offsayddan urdi. Keyin esa biz ham gol urdik. Ammo u ham o‘yindan tashqari holatda urilgan deb topildi. O‘yin har ikki tomonga ham ko‘plab vaziyatlar taqdim etdi. Ularning bir o‘yinchisiz qolishi, bizga g‘alabaga umid bergandi. Ammo raqib durangni saqlab qola oldi. Biz o‘z o‘yinimizni ko‘rsatishda davom etamiz. Hali hammasi oldinda".

20 yoshli fransiyalik futbolchi yozda "Arsenal"dan "Marsel"ga bir yillik ijara asosida kelgan edi.