"Arsenal" ustozi Mikel Arteta jamoa sardori Obameyang haqida fikr bildirdi. U klub rasmiy saytiga bu haqda shunday deydi:
"Men uning hozirgi ko‘rsatayotgan ishtiyoqli o‘yinini avvallari ko‘rmas edim. Obameyangning gollaridan tashqari uni nishonlashida ham boshqacha manzara mavjud. U jamoada yetakchilik qilishi kerak va so‘nggi o‘yinlarda buni namoyish etmoqda. Men mana shunday Obameyangni afzal ko‘raman".
Gabonlik hujumchining hisobida APL doirasida 4 ta gol mavjud. "Arsenal" esa so‘nggi 6 ta o‘yinining 4 tasida g‘alaba qozongan.
