Italiya chempionatining 11-turi doirasida «Verona» o‘z uyida «Yuventus»ni qabul qilib, muhim g‘alabani qo‘lga kiritdi.

Uchrashuvning dastlabki 15 daqiqasi maydon egalari uchun juda omadli keldi. Boisi, Jovanni Simeone 3 daqiqa ichida raqib darvozasiga ikkita gol urishga muvaffaq bo‘ldi.

Allegri shogirdlari ikkinchi taymda faollikni oshirdi. Bahs tugashiga 10 daqiqa qolganida Makkenni bitta javob to‘pini kiritdi. Bundan tashqari, turinliklarning bitta zarbasidan so‘ng to‘p to‘singa tekkan bo‘lsa, Dibalaning kuchli zarbasini Montipo ajoyib seyv orqali bartaraf etdi.

Shu tariqa, "Verona" o‘z ochkolarini 15taga yetkazib, o‘z ochkolarini 7-o‘ringa ko‘tarilib oldi. "Yuve" hisobida ham shuncha ochko mavjud, jamoa 8-pog‘onaga tushdi.

Italiya A seriyasi, 11-tur
Verona – Yuventus 2:1 (2:0)
Gollar: 1:0 – 11 Simeone, 2:0 – 14 Simeone, 2:1 – 80 Makkenni.
Verona – Montipo, Faraoni, Gyunter, Davidovich, Kazale (Chekkerini, 67), Lazovich (Shutalo, 67), Velozu, Tamez (Bessa, 75), Barak, Kaprari, Simeone (Kalinich, 83).
Yuventus – Shchensni, Danilo, Kyellini, Bonuchchi, Aleks Sandro (Pellegrini, 82), Kuadrado (Kulusevski, 69), Rabyo (Lokatelli, 57), Bentankur (Makkenni, 58), Artur (Bernardeski, 69), Morata, Dibala.
Ogohlantirishlar: Lazovich (26), Danilo (29), Kazale (57), Faraoni (61), Artur (61), Morata (76), Gyunter (76).