Италия чемпионатининг 11-тури доирасида «Верона» ўз уйида «Ювентус»ни қабул қилиб, муҳим ғалабани қўлга киритди.

Учрашувнинг дастлабки 15 дақиқаси майдон эгалари учун жуда омадли келди. Боиси, Жованни Симеоне 3 дақиқа ичида рақиб дарвозасига иккита гол уришга муваффақ бўлди.

Аллегри шогирдлари иккинчи таймда фаолликни оширди. Баҳс тугашига 10 дақиқа қолганида Маккенни битта жавоб тўпини киритди. Бундан ташқари, туринликларнинг битта зарбасидан сўнг тўп тўсинга теккан бўлса, Дибаланинг кучли зарбасини Монтипо ажойиб сэйв орқали бартараф этди.

Шу тариқа, "Верона" ўз очколарини 15тага етказиб, ўз очколарини 7-ўринга кўтарилиб олди. "Юве" ҳисобида ҳам шунча очко мавжуд, жамоа 8-поғонага тушди.

Италия А серияси, 11-тур
Верона – Ювентус 2:1 (2:0)
Голлар: 1:0 – 11 Симеоне, 2:0 – 14 Симеоне, 2:1 – 80 Маккенни.
Верона – Монтипо, Фараони, Гюнтер, Давидович, Казале (Чеккерини, 67), Лазович (Шутало, 67), Велозу, Тамез (Бесса, 75), Барак, Капрари, Симеоне (Калинич, 83).
Ювентус – Шченсни, Данило, Кьеллини, Бонуччи, Алекс Сандро (Пеллегрини, 82), Куадрадо (Кулусевски, 69), Рабьо (Локателли, 57), Бентанкур (Маккенни, 58), Артур (Бернардески, 69), Мората, Дибала.
Огоҳлантиришлар: Лазович (26), Данило (29), Казале (57), Фараони (61), Артур (61), Мората (76), Гюнтер (76).