21 yoshli braziliyalik Vinisius Junior zamonamizning afsonaviy futbolchilari - Lionel Messi va Krishtianu Ronaldular bilan tenglashtirgan Kilian Mbappe bilan birga o‘ynashni orzu qilishini tan oldi.
“Barcha futbolchilar Mbappe bilan birga o‘ynashni xohlashadi. U Krishtianu (Ronaldu) va Messi kabi ajoyib futbolchi. U futbolda o‘chmas iz qoldiradigan yangi avlod vakili", - dedi Vinisius Esporte Internativo nashriga.
Eslatib o‘tamiz, 22 yoshli Mbappening "PSJ" bilan shartnomasi 2022 yilning iyunida yakuniga etadi. Fransiyalik futbolchi joriy mavsum so‘ngida erkin agent sifatida “Real”ga o‘tishi kutilmoqda.