Myunxenning "Bavariya" jamoasi "Nant" klubi hujumchisi Kolo Muani transferiga jiddiy qiziqish bildirmoqda. Jamoa bosh murabbiyi Yulian Nagelsmann hujum chizig‘ini kuchaytirish niyatida.
Klub 22 yoshli futbolchini o‘z safiga qo‘shib olish uchun Fransiya klubi bilan muzokaralarni boshlashga tayyor. "Bavariya"dan tashqari hujumchiga "Tottenxem", "Ayntraxt" va "Borussiya M" jamoalari ham da’vogarlik qilmoqda.
Joriy mavsumda Muani Fransiya chempionatida 10 o‘yin o‘tkazib, 2 gol urdi va 3 golli uzatmani amalga oshirdi. Transfermarkt futbolchining narxini 10 million yevro deb baholangan.
