Polsha terma jamoasi bosh murabbiyi Paulo Sousa bu yilgi «Oltin to‘p»ni olish uchun milliy terma jamoa va «Bavariya» hujumchisi Robert Levandovski imkoniyatlarini yuqori baholadi.
"Agar u g‘alaba qozonmasa, bu adolatdan bo‘lmaydi. Robert yuqori saviyani saqlab turibdi. Nafaqat gollar, balki golli uzatmalar va jamoaviy ish ham. Robert hozir Ronaldu va Messiga qaraganda ancha barqaror. Uning jamoaga ta’siri va natijasi qolgan ikkitasidan ko‘ra ko‘proq. Nafaqat bitta o‘yin davomida, balki o‘yindan o‘yinga, haftadan haftaga", - deydi Souza.
33 yoshli futbolchi joriy mavsumda «Bavariya» safida Germaniya chempionatida 10 ta o‘yin o‘tkazib, 12 ta gol urdi va 1 ta golli uzatmani amalga oshirdi.
Chempionlar ligasida Levandovski 4 ta o‘yin o‘tkazib, 8 ta gol urdi va 1 ta golli uzatmani amalga oshirdi.
Polsha terma jamoasi safida futbolchi JCH-2022 saralashida 7ta o‘yin o‘tkazib, 6ta gol urgan.
