Полша терма жамоаси бош мураббийи Пауло Соуса бу йилги «Олтин тўп»ни олиш учун миллий терма жамоа ва «Бавария» ҳужумчиси Роберт Левандовски имкониятларини юқори баҳолади.

"Агар у ғалаба қозонмаса, бу адолатдан бўлмайди. Роберт юқори савияни сақлаб турибди. Нафақат голлар, балки голли узатмалар ва жамоавий иш ҳам. Роберт ҳозир Роналду ва Мессига қараганда анча барқарор. Унинг жамоага таъсири ва натижаси қолган иккитасидан кўра кўпроқ. Нафақат битта ўйин давомида, балки ўйиндан ўйинга, ҳафтадан ҳафтага", - дейди Соуза.

33 ёшли футболчи жорий мавсумда «Бавария» сафида Германия чемпионатида 10 та ўйин ўтказиб, 12 та гол урди ва 1 та голли узатмани амалга оширди.

Чемпионлар лигасида Левандовски 4 та ўйин ўтказиб, 8 та гол урди ва 1 та голли узатмани амалга оширди.

Полша терма жамоаси сафида футболчи ЖЧ-2022 саралашида 7та ўйин ўтказиб, 6та гол урган.