«Chelsi» bosh murabbiyi Tomas Tuxel Angliya Premyer-Ligasi 11-turidan o‘rin olgan «Byornli»ga qarshi uchrashuvdan oldin o‘z fikrlarini bildirib o‘tdi.

“Yo‘l juda uzoq bo‘ldi. Bu hafta o‘yinga nima qilganimiz, nimalarni yaxshi bajarganimiz va qayerdan kelganimizni tushunish uchun yana bir nazar soldik. Bu juda tez o‘tdi. Tayyorgarlik uchun bir necha kun qolganida «Byornli»ga qarshi ikkinchi o‘yinni o‘tkazamiz. Hozir, biz bir-birimizni yaxshi bilamiz. Shu paytgacha yoqimli sayohat bo‘ldi.

Mening jamoam juda ham birlashgan va ularni boshqarayotganimdan xursandman. Jamoangizni yoqtirsangiz va bir qismiga aylana olsangiz, shundagina muvaffaqiyatga erishish mumkin. Har kuni shu yerda bo‘lish yoqimli”.

Kobhamdagi kayfiyat haqida ko‘proq gapirarkan, Tuxel dam olish, o‘yin-kulgu va o‘yinga jiddiy tayyorgarlik o‘rtasida to‘g‘ri muvozanatni topib olish kerakligi haqida urg‘u berdi.

O‘yin kuni kelganda siz aralashtirishingiz kerak: vaziyatdan rohatlanishni, erkinlikni his qilishni, qo‘rqmas va ijodkor bo‘lishni, lekin shu bilan bir vaqtda nima kelayotgani va Premyer Ligada qanday qiyin bo‘lishini bilish. Kecha mashg‘ulotlarda o‘ynaganimizdek basketbol o‘ynayotganimizni ko‘rsangiz, bu vaziyat. O‘yindan keyin ikki kun o‘tdi va keyingisiga ikki kun vaqt bor. Juda ham ko‘p yuklama berishni istamaymiz va hali ham yigitlar qilayotgan ishlaridan huzur olishmoqda. Bu birgalikda kulishga katta qism va vaqtimizni maroqli o‘tkazishimiz uchun ham kerak”.

Tomas Tuxel “Kristal Pelas”dagi birinchi 3 oyni yorqin o‘tkazgan ijaradagi futbolchisi Konor Gallagerdan mamnun ekanligini, lekin uni tezda ortga qaytarish niyati yo‘q ekanligini aytib o‘tdi.

Konorning futbolga bo‘lgan mehri katta. Uni ertalab soat 4da uyg‘oting va u turishi bilan sprintga kirishadi, to‘p uchun kurashlarda g‘alaba qozonadi va to‘plarni yig‘ishni boshlaydi. Bu uning har doim qiladigan ishi. U o‘zini yaxshi his qilayotganini ko‘rishingiz mumkin. Uni klub va murabbiylar qo‘llab-quvvatlashmoqda. Ammo, hozir endi noyabr oyi va u “Kristal Pelas” jamoasining muhim a’zosi hisoblanadi. U hozirgi joyida bo‘lgani yaxshi. Buni o‘zgartirish kerak emas. Biz bundan to‘liq xabardormiz va o‘zini yaxshi his qilayotganidan, klubning shunday katta qismi ekanligidan xursandmiz”.