«Manchester Siti» bosh murabbiyi Xosep Gvardiola «Manchester Yunayted»ga qarshi o‘yindan so‘ng intervyu berdi. Angliya premyer-ligasining navbatdagi turida «Siti» «Yunayted»ni 2:0 hisobida mag‘lub etdi.

“Bu yaxshi o‘yin bo‘ldi, biz birlashgan edik va biz «Old Trafford»dan g‘alaba bilan qaytdik. Biz bu yerda boshqa stadionlardan ko‘ra ko‘p marta g‘alaba qozonganmiz.

Biz ko‘p jabhada raqibdan ustun edik. Jamoa to‘p bilan yaxshi harakat qildi, uni yaxshi boshqardi. To‘p aynan futbolchimiz turgan joyga keldi. Men o‘yinimizda sifatni ko‘rdim ”, dedi Pep.