"PSJ" futbolchisi Neymar kecha "Bordo"ga qarshi uchrashuvda dubl qayd etib, o‘z faoliyatida yangi marraga erishdi. 29 yoshli hujumchi bu gollari bilan o‘z faoliyatida 400 marta raqib darvozasiga yo‘l topgan futbolchiga aylandi.
Braziliyalik bahsdagi birinchi golini vatandoshi, xonanda, Lotin Gremmi sovrindori Mariliya Mendoka xotirasiga bag‘ishlagandi. Mendoka bundan bir necha kun oldin samolyotda halokatga uchragan.
"PSJ" mehmonda 2-3 hisobida g‘alaba qozonish orqali, o‘z ochkolari sonini 34taga yetkazib oldi va turnir jadvalida yaqqol yetakchilikni davom ettiradigan bo‘ldi. Eslatib o‘tamiz, ikkinchi pog‘onadagi "Lаns"da 24 ochko mavjud.
