"Yuventus"ning niderlandiyalik himoyachisi Matteys De Ligt faoliyatini APLda davom ettirishi mumkin, bu haqida Ispaniyaning "El Nacional" nashri xabar bermoqda.

Ma’lumotlarga ko‘ra, futbolchi o‘z agenti Mino Rayolaga boshqa klub topishi kerakligi haqida aytgan. Rayola esa uni Angliyaning bir qator grand klublariga taklif qilgan. Xususan "Manchester Yunayted", "Chelsi" va "Man Siti" jamoalari mana shu ro‘yxatda. De Ligt nima sababdan bunday qarorga kelgani esa no’malum. O‘z navbatida turinliklar ham himoyachining yuqori maoshi sabab u bilan xayrlashishga qarshi emas.

Joriy mavsum 22 yoshli De Ligt Italiya chempionatida 8 uchrashuvda ishtirok etdi va 1 golni hisobiga yozdirib qo‘ydi.