"Ювентус"нинг нидерландиялик ҳимоячиси Маттейс Де Лигт фаолиятини АПЛда давом эттириши мумкин, бу ҳақида Испаниянинг "El Nacional" нашри хабар бермоқда.
Маълумотларга кўра, футболчи ўз агенти Мино Райолага бошқа клуб топиши кераклиги ҳақида айтган. Райола эса уни Англиянинг бир қатор гранд клубларига таклиф қилган. Хусусан "Манчестер Юнайтед", "Челси" ва "Ман Сити" жамоалари мана шу рўйхатда. Де Лигт нима сабабдан бундай қарорга келгани эса ноъмалум. Ўз навбатида туринликлар ҳам ҳимоячининг юқори маоши сабаб у билан хайрлашишга қарши эмас.
Жорий мавсум 22 ёшли Де Лигт Италия чемпионатида 8 учрашувда иштирок этди ва 1 голни ҳисобига ёздириб қўйди.
