«Tottenxem» yangi bosh murabbiyi Antonio Konte klubda "qayta qurish" ishlarini boshlab yubordi.

"The Athletic" tarqatgan xabarga ko‘ra, italiyalik mutaxassis jamoa mashg‘ulotlarining biridan so‘ng ba’zi o‘yinchilarda ortiqcha vazn borligini ochiq-oydin aytdi.

Shuningdek, Konte jamoa tushlikni birgalikda qilishni majburiy etib belgiladi. Klub oshxonasi menyusidan og‘ir taomlar va sendvichni chiqarib tashladi. Murabbiy barchaga ketchup va mayonez iste’mol qilishni taqiqlab qo‘ydi.

Bundan tashqari, endi futbolchilarga meva sharbati kamroq beriladigan bo‘ldi. Taomlarga esa o‘simlik yog‘i va saryog‘ kamroq qo‘shiladigan bo‘ldi. Konte futbolchilarni ko‘proq mevalarni iste’mol qilishga chaqirdi.