"PSJ" va Argentina terma jamoasi hujumchisi Lionel Messi kechagi mashg‘ulotlarda to‘liq ishtirok etdi, deya xabar berdi "TyC Sports" nashri.
34 yoshli futbolchi tizzasidagi muammolar tufayli parijliklar safidagi so‘nggi ikki o‘yinni o‘tkazib yuborgan edi. Shunga qaramay, terma jamoa bosh murabbiyi Lionel Skaloni uni navbatdagi o‘yinlar uchun qaydnomaga kiritdi. So‘nggi ma’lumotlarga ko‘ra, futbolchi jarohatidan to‘liq sog‘aygan va o‘yinlarda ishtirok etishga tayyor.
Eslatib o‘tamiz, JCH-2022 saralash bahslaridan o‘rin olgan uchrashuvlarda argentinaliklar Urugvay (13 noyabr) va Braziliyaga (17 noyabr) qarshi o‘yin o‘tkazadi.
