Ortda qolgan oktyabr oyida Pro ligada 5 tur uchrashuvlari (quyi to‘rtlik) bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

Oktyabr oyining eng yaxshi murabbiyi bo‘lish uchun nomzodlar:

Asror Aliqulov (“Sho‘rtan”) – 5 o‘yin, 3 g‘alaba, 1 durang, 1 mag‘lubiyat, to‘plar farqi 8:4
Aleksandr Yejov (“Xorazm”) – 5 o‘yin, 3 g‘alaba, 1 durang, 1 mag‘lubiyat, to‘plar farqi 9:5
Ilhom Mo‘minjonov (“Neftchi”) – 2 o‘yin, 2 g‘alaba, to‘plar farqi 6:2

Oktyabr oyining eng yaxshi futbolchisi bo‘lish uchun nomzodlar:

Jerome Etame (“Yangiyer”) – 4 o‘yin, 3 gol
Sardor Matmurotov (“Xorazm”) – 3 o‘yin, 2 gol
Muhriddin Zoirov (“Sho‘rtan”) – 4 o‘yin, 3 gol
Oybek Qilichev (“Neftchi”) – 2 o‘yin, 2 gol

Eslatib o‘tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etadi. Pro liganing 8 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.