"Real" klubi "Manchester Yunayted" yarim himoyachisi Pol Pogbaga qiziqishda davom etmoqda, deya xabar beradi "Marca" nashri.

Ma’lumotlarga ko‘ra, yaqin bir necha oy ichida Madrid klubi 28 yoshli fransiyalik futbolchini diqqat bilan kuzatib boradi. Agar Pogba 2022 yilning yozida tugaydigan shartnomasini uzaytirmasa, "Real" u bilan erkin agent sifatida shartnoma imzolashi mumkin.

Shuningdek, nashrning yozishicha, futbolchiga "Yuventus" va "PSJ' klublari qiziqish bildirmoqda. "Manchester Yunayted" Pogba bilan shartnomani uzaytirmoqchi, biroq u hali bir qarorga kelgani yo‘q.

2021/22 yilgi mavsumda yarim himoyachi ingliz klubi safida barcha turnirlarda 13ta o‘yin o‘tkazdi va 7ta golli uzatmani amalga oshirdi.