"Реал" клуби "Манчестер Юнайтед" ярим ҳимоячиси Пол Погбага қизиқишда давом этмоқда, дея хабар беради "Marca" нашри.
Маълумотларга кўра, яқин бир неча ой ичида Мадрид клуби 28 ёшли франциялик футболчини диққат билан кузатиб боради. Агар Погба 2022 йилнинг ёзида тугайдиган шартномасини узайтирмаса, "Реал" у билан эркин агент сифатида шартнома имзолаши мумкин.
Шунингдек, нашрнинг ёзишича, футболчига "Ювентус" ва "ПСЖ' клублари қизиқиш билдирмоқда. "Манчестер Юнайтед" Погба билан шартномани узайтирмоқчи, бироқ у ҳали бир қарорга келгани йўқ.
2021/22 йилги мавсумда ярим ҳимоячи инглиз клуби сафида барча турнирларда 13та ўйин ўтказди ва 7та голли узатмани амалга оширди.
