"Roma" "Xoffenxaym" yarim himoyachisi Florian Grillichga qiziqish bildirmoqda, deya xabar beradi jurnalist Nikolo Skira.
Manba bergan xabarga ko‘ra, rimliklar 26 yoshli avstriyalik yarim himoyachini kelasi yozda erkin agent sifatida tekinga o‘z safiga qo‘shib olish imkoniyatini o‘rganib chiqmoqda. Futbolchining nemis klubi bilan shartnomasi 2022 yilning iyun oyi oxirigacha amal qiladi.
2021/22 yilgi mavsumda Grillich “Xoffenxaym” safida 8ta o‘yinda maydonga tushdi va samarali harakatlar amalga oshirmadi. "Transfermarkt.com" portali futbolchining narxini 16 million yevroga baholagan.
