Italiya terma jamoasi bosh murabbiyi Roberto Manchini JCH-2022 saralash bosqichidan o‘rin olgan Shimoliy Irlandiyaga qarshi o‘yin (0:0) borasida o‘z fikrini bildirib o‘tdi. Ushbu durang tufayli "skuadro adzurra" o‘z guruhida 2-o‘rinni olib, to‘g‘ridan-to‘g‘ri yo‘llanmani qo‘ldan chiqardi. Guruhda 1-o‘rinni Shveysariya qo‘lga kiritdi.

"Endi hech narsa qila olmaymiz. Mart oyida pley-off bahslarida ishtirok etamiz va unda bor kuchimizni berishimiz kerak.

To‘pni yaxshi nazorat qilayotganimizga qaramay, hozirda gol urish borasida muammolarga duch kelyapmiz. Shimoliy Irlandiya butun jamoa bo‘lib himoyalandi. Shuning uchun ularning mudofaasini yorib o‘ta olmadik.

Biz guruh g‘olibligi vazifasini ertaroq hal qilib qo‘yishimiz kerak edi, ming afsus. Joriy mavsumdagi o‘zimizning maksimum formamizga qaytishimiz kerak. Hal qiluvchi bahslarda 2ta penaltidan foydalana olmadik. Ya’ni g‘alaba qozonish uchun imkoniyatlarimiz bor edi.

Endi esa mart oyidagi o‘yinlarga tayyorgarlik ko‘rishimiz zarur va pley-off bahslarida ishonch bilan o‘ynashimiz kerak. Bahorda JCH yo‘llanmasini qo‘lga kiritib, Mundialda g‘olib chiqamiz, deb umid qilaman", – dedi Manchini.