Angliya terma jamoasi bosh murabbiyi Garet Sautgeyt San Marinoni yirik hisobda mag‘lubiyatga uchratilganidan keyin o‘z fikrlari bilan o‘rtoqlashdi. U shunday deydi:
"Aslida biz JCHga yo‘llanmani safarlarda qo‘lgan kiritdik. Bu o‘yinlar Varshava, Budapesht hamda Albaniyada kechdi. Men o‘yinchilarimiz hamda murabbiylar shtabiga ajoyib o‘tkazilgan yil uchun o‘z minnatdorchiligimni bildiraman. Biz bugun o‘z o‘yinimizni raqibga qarshi to‘liq namoyish etdik. Harri Keyn uchun xursandman. U fenomenal to‘purar. Biz unga bugun imkoniyat berdik va u bundan ajoyib ravishda foydalana oldi".
Eslatib o‘tamiz. Angliya kecha, San Marinoni mehmonda, 10-0 hisobida dog‘da qoldirib, Jahon chempionati yo‘llanmasini naqd qildi. Ushbu ko‘rsatkich, 1964 yilda AQSHga qarshi urilgan o‘nta goldan keyin ilk marta qayd etildi.