"Eurosport" portali xabariga ko‘ra, kelasi mavsum erkin agentga aylanadigan 24 yoshli "Ayaks" futbolchisi Nussair Mazraui uchun Angliyaning ikki grad klublari "Manchester Siti" va "Arsenal" kurashga qo‘shildi. Niderlandiya klubi himoyachini o‘z safida saqlab qolishga harakat qilmoqda, ammo futbolchi hozircha kelajagi borasida qaror qabul qilgani yo‘q.
Shuningdek, Angliya Premyer-ligasining bir qancha klublari ham himoyachi xizmatlaridan foydalanish niyatida. Ular orasida "Manchester Siti", "Arsenal"dan tashqari, "Lids" va "Brayton" klublari ham bor.
Marokashlik futbolchi “Ayaks” tarbiyalanuvchisi hisoblanadi.
Mazraui joriy mavsum Niderlandiya chempionatida 11 o‘yinda maydonga tushib, 4 gol, 2 golli uzatmani amalga oshirdi.
