Yanvar oyida “Manchester Yunayted” klubini besh nafar futbolchi tark etishi mumkin. Bu haqda “Football Insider” nashri xabar bermoqda.

Nashrning yozishicha, darvozabon Din Xenderson, himoyachi Fil Jons, shuningdek, yarimhimoyachilar Pol Pogba, Donni van de Bek va Jessi Lingard yanvar oyida “qiziliblislar” lagerini tark etishi mumkin. Mish-mishlarga ko‘ra, Jessi Lingardga naq 6 ta klub da’vogarlik qilmoqda.

Shuningdek, klubningfransiyalik futbolchisi Pol Pogba ham jamoadan ketmoqchi. U hamon MYU bilan yangi shartnoma borasida kelishuvga erishmagan.