Fransiyalik hujumchi Aleksandr Lyakazett OAVda ketishi mumkinligi haqidagi mish-mishlarga qaramay, “Arsenal”da qolishi mumkin.
“The Athletic” nashri xabariga ko‘ra, poytaxt klubi rahbarlari futbolchi bilan hamkorlikni uzaytirish bo‘yicha muzokaralar olib borishga tayyor. “Kanonirlar” 30 yoshli hujumchiga 2023 yilning o‘rtalariga qadar amal qiladigan yangi shartnoma taklif qilmoqchi.
Aleksandrning amaldagi shartnomasi joriy mavsum oxirida yakuniga etadi.
Avvalroq Lyakazett faoliyatini davom ettirishning bir qancha variantlari haqida xabar berilgandi. Ommaviy axborot vositalari hujumchini “Inter”, “Nyukasl” va “Manchester Siti” kabi klublar qiziqish bildirgani ma’lumot bergandi.
