“Bavariya” rahbariyati mavsum oxirida jamoani tark etishi mumkin bo‘lgan hujumchisi Robert Levandovskiga o‘rinbosar topish imkoniyatlarini ko‘rib chiqmoqda.
“Todofichajes” nashrining xabar berishicha, polshalikni o‘rnini “Zalsburg” hujumchisi Karim Adeyemi egallashi mumkin. Nemis futbolchisi 40 million yevroga baholangan. Shuningdek, Yevropaning ko‘plab top-klublari ham qiziqish bildirmoqda.
33 yoshli Robert Levandovski 60 million yevroga baholangan va uning “nemis mashinasi” bilan amaldagi shartnomasi 2023 yilgacha mo‘ljallangan.