“Calciomercato” nashri xabariga ko‘ra, parijliklar yarimhimoyachisi Leonardo Paredes Fransiyaning top-klubini tark etishi mumkin. Manbaga ko‘ra, 27 yoshli futbolchiga Turinning “Yuventus” va “Roma” klublari qiziqish bildirmoqda.
Har ikki jamoa yanvar oyida argentinalik futbolchi uchun taklif bilan chiqishga tayyor.
Yarimhimoyachining “qizil-ko‘klar” bilan amaldagi shartnomasi 2023 yilning yoziga qadar tuzilgan va sportchining narxi 22 million yevroga baholangan.
Eslatib o‘tamiz, Turinning “Yuventus” klubi A seriyada 13 ta o‘yin o‘tkazib, 21 ochko jamg‘argan va hozirda turnir jadvalida 7-o‘rindan joy olgan. “Roma” 12 ta uchrashuv o‘tkazib, 19 ochko jamg‘ardi va 8-o‘rinni egallagan.
