“Calciomercato” нашри хабарига кўра, парижликлар яримҳимоячиси Леонардо Паредес Франциянинг топ-клубини тарк этиши мумкин. Манбага кўра, 27 ёшли футболчига Туриннинг “Ювентус” ва “Рома” клублари қизиқиш билдирмоқда. 

Ҳар икки жамоа январь ойида аргентиналик футболчи учун таклиф билан чиқишга тайёр.

Яримҳимоячининг “қизил-кўклар” билан амалдаги шартномаси 2023 йилнинг ёзига қадар тузилган ва спортчининг нархи 22 миллион еврога баҳоланган.

Эслатиб ўтамиз, Туриннинг “Ювентус” клуби А серияда 13 та ўйин ўтказиб, 21 очко жамғарган ва ҳозирда турнир жадвалида 7-ўриндан жой олган. “Рома” 12 та учрашув ўтказиб, 19 очко жамғарди ва 8-ўринни эгаллаган.