Ispaniya chempionatining 14-turi doirasida «Real» safarda «Granada» klubi mehmoni bo‘lib, ishonchli g‘alabani qo‘lga kiritdi.

Birinchi taym o‘rtalarida madridliklar mezbonlarnign xatolaridan ikki marta foydalanib, 2ta to‘p farqi bilan oldinga o‘tib olishdi.

O‘yin taqdiri hal bo‘lgandek ko‘ringan vaziyatda "Granada" Luis Suaresning goli evaziga hisobni bittaga qisqartirishdi.

Ikkinchi taym boshida Vinisius Junior "Real"ning uchinchi golini urdi. Oradan ko‘p o‘tmasdan maydon egalari maydonda bir kishi kam bo‘lib qolishdi: Monchuga qizil kartochka ko‘rsatildi.

Bahs tugashiga 14 daqiqa qolganida Ferlan Mendi hisobni yirik ko‘rinishga keltirib qo‘ydi.

Anchelotti jamoasi ushbu g‘alabadan so‘ng o‘z ochkolarini 30taga yetkazib, peshqadamga aylandi.

Ispaniya La ligasi, 14-tur
Granada – Real Madrid 1:4 (1:2)
Gollar: 0:1 – 19 Asensio, 0:2 – 25 Nacho, 1:2 – 34 Suares, 1:3 – 56 Vinisius Junior, 1:4 – 76 Mendi.
Granada – Luish Mashimianu, Kini, Dias (Torrente, 58), Xerman Sanches, Neva, Puertas (Montoro, 46), Gonalon (Isma Ruis, 59), Monchu, Rochina (Molina, 59), Soro (Eskudero, 78), Suares.
Real Madrid – Kurtua, Karvaxal, Alaba (Valyexo, 83), Nacho, Mendi, Modrich (Isko, 80), Kroos (Kamavinga, 80), Kazemiro, Benzema (Yovich, 80), Asensio, Vinisius Junior (Rodrigo, 71).
Ogohlantirishlar: Montoro (62), Isko (80).
Chetlatish: Monchu (67).