Испания чемпионатининг 14-тури доирасида «Реал» сафарда «Гранада» клуби меҳмони бўлиб, ишончли ғалабани қўлга киритди.

Биринчи тайм ўрталарида мадридликлар мезбонларнигн хатоларидан икки марта фойдаланиб, 2та тўп фарқи билан олдинга ўтиб олишди.

Ўйин тақдири ҳал бўлгандек кўринган вазиятда "Гранада" Луис Суареснинг голи эвазига ҳисобни биттага қисқартиришди.

Иккинчи тайм бошида Винисиус Жуниор "Реал"нинг учинчи голини урди. Орадан кўп ўтмасдан майдон эгалари майдонда бир киши кам бўлиб қолишди: Мончуга қизил карточка кўрсатилди.

Баҳс тугашига 14 дақиқа қолганида Ферлан Менди ҳисобни йирик кўринишга келтириб қўйди.

Анчелотти жамоаси ушбу ғалабадан сўнг ўз очколарини 30тага етказиб, пешқадамга айланди.

Испания Ла лигаси, 14-тур
Гранада – Реал Мадрид 1:4 (1:2)
Голлар: 0:1 – 19 Асенсио, 0:2 – 25 Начо, 1:2 – 34 Суарес, 1:3 – 56 Винисиус Жуниор, 1:4 – 76 Менди.
Гранада – Луиш Машимиану, Кини, Диас (Торренте, 58), Херман Санчес, Нева, Пуэртас (Монторо, 46), Гоналон (Исма Руис, 59), Мончу, Рочина (Молина, 59), Соро (Эскудеро, 78), Суарес.
Реал Мадрид – Куртуа, Карвахаль, Алаба (Вальехо, 83), Начо, Менди, Модрич (Иско, 80), Кроос (Камавинга, 80), Каземиро, Бензема (Йович, 80), Асенсио, Винисиус Жуниор (Родриго, 71).
Огоҳлантиришлар: Монторо (62), Иско (80).
Четлатиш: Мончу (67).