O‘zbekiston kubogida yarim final bahslaridan o‘rin olgan ikkinchi uchrashuv yakuniga yetdi.

Ushbu bosqichning navbatdagi o‘yini Toshkentdagi "Paxtakor" stadionida bo‘lib o‘tdi. Unda poytaxtning ikki "Paxtakor" va "Bunyodkor" jamoalari final yo‘llanmasi uchun kurash olib borishdi.

Uchrashuvning asosiy va qo‘shimcha daqiqalarida hisob ochilmadi. E’tiborlisi, "Paxtakor"ning ikki nafar futbolchisi bahs davomida maydondan chetlatilgan bo‘lsa ham, ular o‘yinni 11 metrlik jarima zarbalarigacha olib bora olishdi. Yakuniy penaltilar seriyasida esa "sherlar" "qaldirg‘ochlar" ustidan 5:4 hisobida ustun keldi. Ularning finaldagi raqibi Qarshining "Nasaf" klubi bo‘ladi.

O‘zbekiston kubogi, yarim final

"Paxtakor" – "Bunyodkor" – 1:1

Gollar: 29 – Xurshid G‘iyosov (0:1), 41 – Hojimat Erkinov (1:1)

Paxtakor – Quvvatov, Alijonov, Ismoilov, Hamrobekov, Temirov, Cheran, Hamdamov, Erkinov, A’zamov, Sobirxo‘jayev, Sayfiyev.

Bunyodkor – Karimov, O‘lmasaliyev, G‘iyosov, To‘rayev, Mirahmadov, Abdurahmonov, To‘xtasinov, Abdullayev, Qahramonov.

Chetlatishlar: 20 - Cheran, 120+1 - A’zamov (ikkisi "Paxtakor")