Angliyaning eng nomdor klublaridan biri Londonning “Arsenal” jamoasi hozir qiyin kunlarni boshidan kechirmoqda. Jamoada avlodlar almashuvi davom etmoqda. Mikel Arteta bosh murabbiylik kursisida qolish uchun bor kuchi bilan harakat qilayotganbir paytda, “Stadion.uz” nashri e’tiboringizga “kanonirlar” tarixidagi TOP-5 yirik hisobdagi mag‘lubiyatlarini taqdim etadi.
“Manchester Siti” – “Arsenal”, 5:0, 28.08.2021
“Arsenal”ning eng yirik mag‘lubiyatlaridan biri joriy mavsum boshida yuz berdi. Angliya Premyer ligasining 3-turida London klubi “Man Siti”dan qaqshatqich zarba qabul qildi. O‘shanda Arteta boshchiligidagi “kanonirlar” qiyin kunlarni boshdan kechirayotgan edi. Klub ketma-ket ikkita mag‘lubiyat qabul qilgan va Gvardiola jamoasi tomonidan tor-mor etilishi, “to‘pchilar”ning bir qancha antirekordlarni qayd etishga sabab bo‘lgan. Ushbu uchrashuvda Ferran Torres ikkita gol urgan bo‘lsa, Gyundogan, Jezus va Rodri o‘z hisobiga bittadan gol yozdirib qo‘ygan.
4. “Everton” – “Arsenal”, 6:1, 09.11.1985
“Arsenal” tarixda ilk bor “Everton”dan 6 ta gol o‘tkazib yubordi. Bu 1985 yil noyabr oyida afsonaviy “Gudison Park” stadionida sodir bo‘ldi. Agar siz tarixga qarasangiz, ma’lum bir tarzda mag‘lubiyat tabiiy edi. Sababi, o‘sha yili “Everton” Angliya chempioni bo‘lgan va 1985/86 mavsumida esa ikkinchi o‘rinni egallagan. “Arsenal” esa yettinchi o‘rinni egallagan. 2009 yilning avgustida xuddi shu hisobda, o‘sha yerda, ya’ni “Gudison Park”da “Arsenal” qasos oldi. Shuningdek, bir necha yil oldin o‘z uyida 7:0 hisobida g‘alaba qozondi.
3. “Manchester Yunayted” – “Arsenal”, 6:1, 25.02.2001
Keyingi shov-shuvli mag‘lubiyat Arsen Venger davriga to‘g‘ri keldi. 2000/01 yilgi mavsumda fransiyalik murabbiy shogirdlari “Manchester Yunayted”ga qarshi maydonga tushadi. “Qizil iblislar”ning uy arenasi hisoblangan “Old Trafford” “kanonirlar” uchun haqiqiy do‘zaxga aylandi. Ushbu bahsda “Manchester Yunayted” Angliya chempionligini muvaffaqiyatli himoya qildi. Ular o‘sha mavsumda “Arsenal”ni 10 ochko ortda qoldirgan holda birinchi o‘rinni egalladi. Qisman, Venger shogirdlari 2001 yil oxirida “Manchester Yunayted” ustidan 4:0 hisobida g‘alaba qozonib, Liga kubogidan chiqarib yuborgan holda, birozgini alamini oldi. Ammo, o‘sha mag‘lubiyat hech qachon yodidan chiqmasa kerak.
2. “Chelsi” – “Arsenal”, 6:0, 22.03.2014
“Arsenal”ning muvaffaqiyatsizliklar reytingida ikkinchi o‘rinda 2014 yil mart oyida “Chelsi”dan qabul qilingan mag‘lubiyatjoy oldi. “Kanonirlar” uchun bu mag‘lubiyat juda ham alamli hisoblanadi, chunki “Chelsi” London shahrining asosiy raqibi hisoblanadi. O‘shanda “Arsenal” darvozasiga kimlar gol urganiga qarang – Et’O, Shyurrle, Oskar (ikki marta), Saloh, Azar. Darhaqiqat, “Arsenal” ustidan qozonilgan g‘alaba evaziga “Chelsi” 2013/14 yilgi mavsum yakunida “kanonirlar”ni ortda qoldirib, 3-o‘rinni egalladi. “To‘pchilar” esa o‘zining “sevimli” to‘rtinchi o‘rnini egalladi.
1. “Manchester Yunayted” – “Arsenal”, 8:2, 28.08.2011
London klubi tarixidagi eng alamli mag‘lubiyat 2011 yilning 28 avgustida Premyer-liganing 3-turi doirasida sodir bo‘lgandi. “Manchester Yunayted” “Old Trafford”da, 75 448 tomoshabin qarshisida “Arsenal”ni 8:2 hisobida mag‘lub etdi. Mankunianliklar safida Runi 3 marta o‘z nomini tabloga yozdirib qo‘ygan bo‘lsa, Yang ikki marta marta gol urdi, Nani, Uelbek va Parklar esa bir martadan raqib kiperini xafa qilishga erishgan. “Kanonirlar”ning gollariga esa Uolkott va Van Persi mualliflik qilishdi. O‘sha mavsumda “Arsenal” uchinchi, “Manchester Yunayted” ikkinchi o‘rinni egalladi, faqat so‘nggi turda “Manchester Siti”ga chempionlikni boy berdi. O‘shandan beri 10 yil ichida “Arsenal” “Manchester Yunayted”ni 6 marta mag‘lub etdi.
