"Manchester Yunayted" Ralf Rangnik bilan kelishib oldi, mutaxassis yaqin orada jamoa bosh murabbiyi lavozimini egallashi kutilmoqda. "Sky Sports" nashri xabariga ko‘ra, yaqin 24-48 soat ichida bu haqida ma’lum qilinadi.

25 noyabr, payshanba kuni "The Athletic" nashrining xabar berishicha, Rangnik kelasi yilning 31-mayiga qadar “Manchester Yunayted” bosh murabbiyi lavozimida ishlaydi.

Shundan so‘ng, 63 yoshli nemis "Manchester Yunayted" maslahatchisiga aylanadi - kelishuv yana ikki yil amal qiladi. Bu Rangnik "Yunayted" bilan muzokaralarda qo‘ygan asosiy shartlardan biri bo‘lgan — u kelajakda yetakchi o‘rinlardan birini qo‘lga kiritish va jamoa rivojiga ta’sir o‘tkazishni xohlagan.

"SE" sharhlovchisi Igor Rabinerning so‘zlariga ko‘ra, "Lokomotiv" sport rahbari Ralf Rangnik o‘rniga uning o‘ng qo‘li Lars Kornetka tayinlanadi.