"Манчестер Юнайтед" Ральф Рангник билан келишиб олди, мутахассис яқин орада жамоа бош мураббийи лавозимини эгаллаши кутилмоқда. "Sky Sports" нашри хабарига кўра, яқин 24-48 соат ичида бу ҳақида маълум қилинади.

25 ноябрь, пайшанба куни "The Athletic" нашрининг хабар беришича, Рангник келаси йилнинг 31-майига қадар “Манчестер Юнайтед” бош мураббийи лавозимида ишлайди.

Шундан сўнг, 63 ёшли немис "Манчестер Юнайтед" маслаҳатчисига айланади - келишув яна икки йил амал қилади. Бу Рангник "Юнайтед" билан музокараларда қўйган асосий шартлардан бири бўлган — у келажакда етакчи ўринлардан бирини қўлга киритиш ва жамоа ривожига таъсир ўтказишни хоҳлаган.

"SE" шарҳловчиси Игор Рабинернинг сўзларига кўра, "Локомотив" спорт раҳбари Ральф Рангник ўрнига унинг ўнг қўли Ларс Корнетка тайинланади.