Portugaliya terma jamoasi bosh murabbiyi Fernandu Santush JCH-2022 pley-offiga qura tashlash natijalari haqida fikr bildirdi. Yarim finalda portugallar Turkiyaga qarshi bahs olib boradi.
«Biz Turkiya bilan o‘yinga bor e’tiborimizni qaratishimiz shart va bu o‘yinda g‘alaba qozonishdan boshqa narsani o‘ylamasligimiz kerak. Bu finalga chiqish va g‘alaba qozonish uchun muhim o‘yin.
Biz umidsizlikka tushmaymiz, chunki bizda uy uchrashuvini o‘tkazish imkoniyati bor, lekin buning uchun Turkiyani mag‘lub etishimiz kerak.
Endi mart oyida yuqori darajadagi futbol ko‘rsatish uchun yaxshi tayyorgarlik ko‘rishimiz kerak. Turkiyada juda yaxshi futbolchilar bor. Ba’zida ularning jamoasi yaxshi ishlaydi, ba’zida esa yo‘q. Bu har doim qiyinchilik tug‘diradigan jamoa. Ammo men jahon chempionatida ishtirok etishimizga aminman», - deya Santush so‘zlaridan iqtibos keltiradi UEFA sayti.
