Португалия терма жамоаси бош мураббийи Фернанду Сантуш ЖЧ-2022 плей-оффига қура ташлаш натижалари ҳақида фикр билдирди. Ярим финалда португаллар Туркияга қарши баҳс олиб боради.
«Биз Туркия билан ўйинга бор эътиборимизни қаратишимиз шарт ва бу ўйинда ғалаба қозонишдан бошқа нарсани ўйламаслигимиз керак. Бу финалга чиқиш ва ғалаба қозониш учун муҳим ўйин.
Биз умидсизликка тушмаймиз, чунки бизда уй учрашувини ўтказиш имконияти бор, лекин бунинг учун Туркияни мағлуб этишимиз керак.
Энди март ойида юқори даражадаги футбол кўрсатиш учун яхши тайёргарлик кўришимиз керак. Туркияда жуда яхши футболчилар бор. Баъзида уларнинг жамоаси яхши ишлайди, баъзида эса йўқ. Бу ҳар доим қийинчилик туғдирадиган жамоа. Аммо мен жаҳон чемпионатида иштирок этишимизга аминман», - дея Сантуш сўзларидан иқтибос келтиради УEФА сайти.