Kecha Fransiya poytaxti Parij shahrida "Oltin to‘p-2021" taqdirlash marosimi bo‘lib o‘tdi. Unda Lionel Messi o‘tgan mavsumning eng yaxshi futbolchisi sovrinini qo‘lga kiritdi. "Bavariya" hujumchisi Robert Levandovski argentinalik yulduzni ushbu g‘alaba bilan tabrikladi.

"Men Lionel Messini "Oltin To‘p" yutgani bilan tabriklamoqchiman.

Shuningdek, menga ovoz bergan va 2021-yildagi muvaffaqiyatlarimni muhim deb hisoblagan har bir jurnalistga minnatdorchilik bildiraman. Men "Yilning eng yaxshi hujumchisi" mukofotini qo‘lga kiritdim va hech qaysi o‘yinchi bu kabi individual sovrinni kuchli jamoa va sadoqatli muxlislarsiz qo‘lga kirita olmaydi. Men joriy klubim "Bavariya"ga ham muvaffaqiyat qozonishimda va orzularimni ro‘yobga chiqarishda bergan yordami uchun tashakkur izhor etaman. "Bavariya" safidagi, Polsha terma jamoasidagi sheriklarimga, shuningdek, har kuni meni qo‘llab-quvvatlab turgan muhlislarimga ham rahmat aytib qolaman. Men uchun ularning borligi ko‘p narsani anglatadi.

Eng muhimi esa oilamga katta tashakkur izhor etmoqchiman!!! Rahmat ona, rahmat Anna. Sizlar hayotimdagi eng sevimli insonlarimsiz. Mening eng yaxshi do‘stim, suyukli opam Milenaga, do‘stlarim va yutuqlarim asoschisi bo‘lgan, doimiy qo‘llab turgan klubimga ham alohida tashakkurlar. Rahmat hammangizga!!! ", - deb xabar qoldirdi polyak Instagram sahifasida.