«Real Madrid» Ispaniya chempionatida peshqadamlik qilmoqda. Karlo Anchelotti jamoasi bu mavsumda chempionlikka asosiy davogar deb atalmoqda va «qaymoqranglilar» hozircha ularga berilgan ishonchni oqlamoqda. La Ligadagi yagona mag‘lubiyat «Espanyol»ga qarshi o‘yinda qayd etilgan.

15 o‘yinda 11 ta g‘alaba, jumladan, «Barselona» va «Sevilya» ustidan qozonilgan g‘alabalar bundan tashqari urilgan gollar bo‘yicha eng yaxshi natija. Biroq qiziqarli va o‘yinlar oldinda turibdi, dekabr esa «Real» uchun sinovlarini tayyorlab qo‘ygan. Karlo Anchelotti jamoasi chempionlik poygasida asosiy favorit yoki yo‘qligini yaqin uch hafta natijalari ko‘rsatadi.

4 dekabr. «Real Sosyedad» - «Real Madrid»

12 dekabr. «Real Madrid» - «Atletiko»

19 dekabr. «Real Madrid» - «Kadis»

22 dekabr. «Atletik Bilbao» - «Real Madrid»

Dekabr oyida madridliklar Bilbaoning «Atletik»i bilan ikkita «el-klasiko» o‘tkazadi. Birinchi bahsda madrikliklar minimal hisobda zafar quchishdi.(1:0)

Basklar mamlakatiga jamoa ikki marta borishi kerak bo‘ladi - nafaqat Bilbao, balki yaqin vaqtgacha Ispaniya chempionatida peshqadam bo‘lib kelgan «Real Sosyedad» madridliklarni qabul qiladi. O‘tgan mavsumda madridliklar «Sosyedad»ga qarshi o‘yinlarda ham o‘z maydonida, ham safarda durang o‘ynab, mumkin bo‘lgan 6 ochkodan atigi 2 ochko to‘plagan edi.

«Atletiko»ga qarshi Madrid derbisi chempionlik poygasi kontekstidagi eng muhim o‘yin bo‘lishini va’da qilmoqda. Katta ehtimol bilan bu mavsumda poytaxt jamoalari chempionlik uchun kurashadi, «matraschilar» esa chempionlik kubogini saqlab qolishga harakat qiladi.

Dekabr oyida «Real» uchun qishni quyi ligaga tushib ketish zonasida kutib oladigan «Kadis» bilan o‘yin ham oson bo‘lmaydi. Vaholanki, o‘tgan mavsumda «qaymoqranglilar» o‘z maydonida ushbu raqibga yutqazishgan edi.

Hozir madridliklarda 15 o‘yindan so‘ng 36 ochko bor, oxirgi marta 2016/17 yilgi mavsumdagi shunga o‘xshash mavsumdan keyin yaxshiroq bo‘lishgan - 34 ochko (10 g‘alaba va 4 durang). O‘sha mavsum oxirida «Real Madrid» Zinedin Zidan boshchiligida birinchi marta chempion bo‘lgandi, ammo Zizu boshqargan La Ligani ikkinchi marta zabt etgan yili ham «Real» birinchi davrada ham bu qadar yaxshi o‘ynamagandi.

«Real Madrid»ning Ispaniya chempionatidagi 14 turdan keyingi natijalari. So‘nggi 5 yillikdagi.

2017/18 5-o‘rin va 28 ochko

2018/19 5-o‘rin va 23 ochko

2019/20 2-o‘rin va 29 ochko

2020/21 2-o‘rin va 29 ochko

2021/22 1-o‘rin va 33 ochko

«Real Madrid»ning so‘nggi besh mavsumdagi La Ligadagi eng yaxshi starti: 5 yil ichida birinchi marta 14 turdan so‘ng turnir jadvalida peshqadamlik qilmoqda, ochkolar, g‘alabalar, kiritilgan gollar, to‘plar farqi bo‘yicha eng yaxshi natija.

Biroq, inkor etib bo‘lmaydigan optimistik faktlar ham kam: Madridliklar Karlo Anchelotti boshchiligida Santyago Bernabeuga ilk tashrifini ajoyib boshladi. Aslida, hozirgidan ham yaxshiroq: 2013/14 yilgi mavsumda 34 ochko va keyingi mavsumda 36 ochko. Va unvonlarni «Atletiko» va «Barselona» qo‘lga kiritdi.

2013/14 va 2014/15 yilgi mavsumlar o‘rtasida o‘xshashliklarni olib borish mumkin va zarur, o‘shanda Anchelotti «Real Madrid» murabbiyi edi. Italiyalik murabbiy o‘shandan beri boshqaruv uslubini o‘zgartirmadi va yangi taktikalarni o‘rganmadi.

Karlo Anchelotti tarixda qolmoqchi

Italiyalik allaqachon Angliya, Italiya, Germaniya va Fransiya chempionatlarida g‘olib chiqishga muvaffaq bo‘lgan yagona murabbiy bo‘ldi va joriy mavsum yakunida Anchelotti Yevropa beshlik chempionatlarida g‘olib bo‘lgan ilk murabbiyga aylanishi mumkin. Unga yetmayotgan yagona sovrin La Liga, u birinchi urinishda bu liga g‘alaba qozona olmagandi. Balki ikkinchi kelishi murabbiyga orzu qilingan unvonni olib kelar.

2003/04 - Italiya chempioni - «Milan» bilan

2009/10 - Angliya chempioni «Chelsi» bilan

2012/13 - Fransiya chempioni «PSJ» bilan

2016/17 - Germaniya chempioni - «Bavariya» bilan

2021/22 - Ispaniya chempioni «Real Madrid» bilan ?

Anchelotti mutlaq natijaga erishadimi yo‘qmi, buni vaqt ko‘rsatadi.