Kecha Ispaniya chempionatining 9-turi qoldirilgan uchrashuvida "Real Madrid" o‘z maydonida "Atletik B" jamoasini qabul qildi va 1:0 hisobida g‘alaba qozondi.

Quyida ushbu uchrashuvga oid qiziqarli statistika va faktlar bilan tanishib chiqishingiz mumkin.

– Karim Benzema 2021 yil “Real” safidagi 46 o‘yinda 35 ta gol urdi va bu borada shaxsiy rekordini takrorladi. Karim 2019-yilda ham 35 ta gol urgan, biroq bu natija uchun 50 ta o‘yin sarflagandi;

– “Real” bilbaoliklarga qarshi 180 o‘yinda 93 ta g‘alabaga erishdi. Bu “Real” uchun bitta raqibga qarshi o‘yindagi eng yaxshi ikkinchi natija. Birinchi o‘rinda “Espanyol” bilan qarama-qarshilik (104 g‘alaba) turadi;

– Vinisius Junior birinchi bo‘limda 5 ta o‘tkir uzatma amalga oshirdi. Bu bilbaoliklarning uchinchi natijasidan ham ko‘proq;

– “Real” ketma-ket 7 o‘yindan beri g‘alabali seriya qayd etmoqda. Anchelotti shogirdlari so‘nggi 10 ta o‘yinda 9 ta g‘alaba va bitta durang qayd etdi;

– Benzema madridliklar safida joriy mavsum 19 o‘yinda maydonga tushib, 17 gol va 8 ta assist amalga oshirdi.