Кеча Испания чемпионатининг 9-тури қолдирилган учрашувида "Реал Мадрид" ўз майдонида "Атлетик Б" жамоасини қабул қилди ва 1:0 ҳисобида ғалаба қозонди.
Қуйида ушбу учрашувга оид қизиқарли статистика ва фактлар билан танишиб чиқишингиз мумкин.
– Карим Бензема 2021 йил “Реал” сафидаги 46 ўйинда 35 та гол урди ва бу борада шахсий рекордини такрорлади. Карим 2019-йилда ҳам 35 та гол урган, бироқ бу натижа учун 50 та ўйин сарфлаганди;
– “Реал” билбаоликларга қарши 180 ўйинда 93 та ғалабага эришди. Бу “Реал” учун битта рақибга қарши ўйиндаги энг яхши иккинчи натижа. Биринчи ўринда “Эспаньол” билан қарама-қаршилик (104 ғалаба) туради;
– Винисиус Жуниор биринчи бўлимда 5 та ўткир узатма амалга оширди. Бу билбаоликларнинг учинчи натижасидан ҳам кўпроқ;
– “Реал” кетма-кет 7 ўйиндан бери ғалабали серия қайд этмоқда. Анчелотти шогирдлари сўнгги 10 та ўйинда 9 та ғалаба ва битта дуранг қайд этди;
– Бензема мадридликлар сафида жорий мавсум 19 ўйинда майдонга тушиб, 17 гол ва 8 та ассист амалга оширди.
