«Chelsi» va Angliya terma jamoasining sobiq futbolchisi Jo Koul «Nyukasl» haqida o‘z fikrlarini bildirib o‘tdi.

Jo «Nyukasl» qishki transferlar bozorida faol ishtirok etishiga ishonadi:

«Jamoa yanvar oyida 200-300 million funt sarflamoqchi. Yangi rahbariyat bu yerga shunchaki sayohat uchun kelishmagan.

Bu APL tarixidagi eng boy sarmoyadorlar va menimcha, ular yanvar oyida pullarini ayashmaydi. O‘ylaymanki, 4-5 nafar futbolchi sotib olish rejada bor. Jamoa kamida bitta o‘yinda g‘alaba qozonishi bilanoq ular uchun vaziyat yaxshilana boshlaydi.

Men bunga ishonaman. Bu, ayniqsa turnirning hozirgi holatini hisobga olsak, yaqqol ko‘rinib turibdi», deydi Koul.