«Челси» ва Англия терма жамоасининг собиқ футболчиси Жо Коул «Ньюкасл» ҳақида ўз фикрларини билдириб ўтди.

Жо «Ньюкасл» қишки трансферлар бозорида фаол иштирок этишига ишонади:

«Жамоа январь ойида 200-300 миллион фунт сарфламоқчи. Янги раҳбарият бу ерга шунчаки саёҳат учун келишмаган.

Бу АПЛ тарихидаги энг бой сармоядорлар ва менимча, улар январь ойида пулларини аяшмайди. Ўйлайманки, 4-5 нафар футболчи сотиб олиш режада бор. Жамоа камида битта ўйинда ғалаба қозониши биланоқ улар учун вазият яхшилана бошлайди.

Мен бунга ишонаман. Бу, айниқса турнирнинг ҳозирги ҳолатини ҳисобга олсак, яққол кўриниб турибди», дейди Коул.