Xavi boshqaruvidagi "Barselona" klubi ilk marta mag‘lubiyat alamini tortdi. Kataloniyaliklar La liganing 16-turi doirasida "Betis"ni qabul qilib, kichik hisobda imkoniyatni boy berishdi.

Xavi tarkibda rotasiya qilishda davom etgan holda, Frenki de Yong, Jerar Pike va Usmon Dembeleni zaxirada qoldirdi. Maydonga esa yoshlarni tushirdi. Birinchi bo‘limda "Barsa"ning o‘yini chiqmadi. Bunga andalusiyaliklar ham yo‘l qo‘yishmadi.

Xavi ikkinchi bo‘limda maydonga Frenki de Yong va Dembeleni tashlagach, "ko‘k-anorranglilar"ning o‘yini jonlandi. Xossatan, Usmonning o‘zida davrozani ishg‘ol qilish uchun 2-3ta imkoniyat yuzaga keldi. Ammo uning zarbalariga biroz aniqlik yetishmadi.

Bahsning 79-daqiqasida "Barselona" burchak zarbasini o‘yinga kiritgan paytda markaziy himoyachilar Langle va Arauxo raqib jarima maydoniga borishdi. To‘pni egallagan "Betis" posboni darhol hujumga asos qoldi. Mezbonlarning markaziy himoyachilari o‘z pozisiyalarini egallagunga qadar mehmonlarning 3 futbolchisi raqib jarima maydonida paydo bo‘lishdi. Xuanmi yakkama-yakka vaziyat Mark-Andre ter Shtegenni dog‘da qoldirdi.

"Barsa" darhol hisobni tenglashtirishi mumkin edi. Dembelening uzatmasidan keyin Abde Ezzalzuli yaqin masofadan darvozaga aniq zarba bera olmadi — to‘p yuqoriga ko‘tarilib ketdi.

Qolgan daqiqalarda "Betis" hisobni ushlab qoldi va g‘alaba qozondi. Ushbu g‘alabadan so‘ng Pellegrini jamoasining ochkolari 30taga yetdi va ular 3-o‘ringa ko‘tarilib olishdi. "Barselona" esa 23 ochko bilan 7-pog‘onada qoldi.

La liga. 16-tur
Barselona – Betis 0:1 (0:0, 0:1)
Gol: 0:1 – 79 Xuanmi.
Barselona – ter Stegen, Dest, Langle (de Yong, 82), Arauxo, Alba, Buskets, Niko Gonsales (de Yong, 59), Gavi (Puch, 36), Koutinyo (Dembele, 59), Ezzalzuli (Pike, 82), Depay.
Betis – Ruy Silva, Belyerin, Ruis, Bartra, Moreno, Guardado, Kanales, Rodriges, Xuanmi (Iglesias, 81), Villian Joze (Vilyam Karvalyu, 71), Ruibal (Telyo, 63).
Ogohlantirishlar: Villian Joze (12), Niko Gonsales (42), Rodriges (73).