“Zalsburg” klubining germaniyalik hujumchisi Karim Adeyemi “Barselona” taklifiga javob qaytardi.
"Sky Sports" nashri xabariga ko‘ra, Adeyemi Kataloniya klubining taklifini rad etgan. Qayd etilishicha, futbolchi faoliyatini Germaniya Bundesligasida davom ettirmoqchi.
Karim Yevro-2024da milliy terma jamoada o‘ynash niyatida. Shuning uchun, u Germaniya chempionatida rivojlanmoqchi. Futbolchi Ispaniyaga o‘tsa, Xans Flikning nazaridan chetda qolishidan qo‘rqadi.
Ma’lumotlarga ko‘ra, germaniyalik forvardni qo‘lga kiritish uchun hozirda Dortmundning "Borussiya"si favorit hisoblanadi.
Joriy mavsumda Adeyemi Avstriya chempionatida 16 ta o‘yin o‘tkazib, 11 ta gol urdi va 1 ta golli uzatmani amalga oshirdi.
