"Double Pass" futbolni rivojlantirish agentligi tomonidan murabbiylar uchun seminar tashkil qilindi
Futbol olamida obro‘li hisoblangan “Double Pass” futbolni rivojlantirish agentligi tomonidan barcha viloyatlar texnik direktorlari va akademiyalarda faoliyat yurituvchi murabbiylar uchun seminar bo‘lib o‘tdi.
Seminarda kompaniya direktori Xans Vander Elst futbolni rivojlantirish falsafasi, o‘yin uslubi va yoshlar futbolidagi iqtidorlarni aniqlashga bag‘ishlangan elektron modullar bilan tanishtirib o‘tdi.
Ma’lumot uchun, “Double Pass” Belgiya kompaniyasi bo‘lib, futbolni rivojlantirish hamda optimallashtirish bo‘yicha federasiyalar, ligalar, klublar, shuningdek, mutaxassislar faoliyatini sarhisob qiladigan, kerakli tavsiyalar va ta’lim beradigan taniqli kompaniya hisoblanadi.
