"Double Pass" футболни ривожлантириш агентлиги томонидан мураббийлар учун семинар ташкил қилинди
Футбол оламида обрўли ҳисобланган “Double Pass” футболни ривожлантириш агентлиги томонидан барча вилоятлар техник директорлари ва академияларда фаолият юритувчи мураббийлар учун семинар бўлиб ўтди.
Семинарда компания директори Ханс Вандер Элст футболни ривожлантириш фалсафаси, ўйин услуби ва ёшлар футболидаги иқтидорларни аниқлашга бағишланган электрон модуллар билан таништириб ўтди.
Маълумот учун, “Double Pass” Белгия компанияси бўлиб, футболни ривожлантириш ҳамда оптималлаштириш бўйича федерациялар, лигалар, клублар, шунингдек, мутахассислар фаолиятини сарҳисоб қиладиган, керакли тавсиялар ва таълим берадиган таниқли компания ҳисобланади.
