«Liverpul» yanvar oyida «Real» yarim himoyachisi Rodrigo Goesni sotib olishni rejalashtirmoqda. Bu haqda Ispaniyaning El Nacional nashri xabar bermoqda. Futbolchining transferi bilan «Liverpul» ustozi Yurgen Kloppning shaxsan o‘zi qiziqmoqda.

Transfermarkt 20 yoshli braziliyalik futbolchini 35 million yevroga baholamoqda. Joriy mavsumda futbolchi 19 ta o‘yinda maydonga tushib, 2 ta gol urdi va 3 ta golli uzatmani amalga oshirdi.

Avvalroq, «Real» Rodrigo bilan yangi shartnoma imzolashni va shartnomada katta miqdorda tovon puli qayd etishni rejalashtirayotgani haqida xabar berilgandi.