«Ливерпул» январь ойида «Реал» ярим ҳимоячиси Родриго Гоэсни сотиб олишни режалаштирмоқда. Бу ҳақда Испаниянинг El Nacional нашри хабар бермоқда. Футболчининг трансфери билан «Ливерпуль» устози Юрген Клоппнинг шахсан ўзи қизиқмоқда.

Трансфермаркт 20 ёшли бразилиялик футболчини 35 миллион еврога баҳоламоқда. Жорий мавсумда футболчи 19 та ўйинда майдонга тушиб, 2 та гол урди ва 3 та голли узатмани амалга оширди.

Аввалроқ, «Реал» Родриго билан янги шартнома имзолашни ва шартномада катта миқдорда товон пули қайд этишни режалаштираётгани ҳақида хабар берилганди.