Tokio Olimpiadasining bronza medali sovrindori Davlat Bobonov Fransiyaning PSJ klubi a’zosiga aylandi.
O‘z tarkibiga mashhur dzyudochilarni jamlagan Parij klubi Yevropa Ligasida ishtirok etadi. PSJ rahbariyati Bobonovni ham o‘z safiga qo‘shib oldi. Hamyurtimiz klublar o‘rtasidagi Yevropa Ligasida Fransiya jamoasi sharafini himoya qiladi va tabiiyki, bu bilan o‘z tajribasini yanada oshirib boradi.
PSJ tarkibida afsonaviy Teddi Riner, shuningdek yaqindagina Abu-Dabi “Katta Dubulg‘a” turnirida chempionlik shohsupasiga ko‘tarilgan moldovalik Denis Viyeru, Alfa Djalo singari dzyudochilar bor.
O‘zbekiston dzyudo federasiyasi matbuot xizmati
